«ҳукумат қарори» тегли мақолалар
Аэровокзал яқинида тўхташга фақат йўналишсиз ва йўналишли таксиларга рухсат берилади
Ҳукумат қарори билан аэровокзал яқинида тўхташ фақат йўналишсиз ва йўналишли таксиларга рухсат этилади. Бошқа транспортлар эса тураргоҳ ва тўхташ жойларига йўналтирилади. Эстакададан фойдаланишда енгил автомобиллар 5 дақиқагача, автобус ва микроавтобуслар 10 дақиқагача тўхтаб туриши мумкин бўлади.
Форс-мажор ҳолатларини тасдиқлаш бўйича давлат хизматлари кўрсатилади
Ҳукумат қарори билан форс-мажор ҳолатларини тасдиқлаш бўйича давлат хизматлари кўрсатилади. Ҳолатлар ваколатли шахснинг электрон имзоси билан тасдиқланган ва электрон шаклдаги сертификатни бериш орқали тасдиқланади. Сертификат бериш учун 270 минг сўм миқдорида йиғим ундирилади.
Давлат ташкилотларидаги қоровуллик бўлинмалари ходимларининг вазифалари белгиланди
Ҳукумат қарори билан давлат органлари ва ташкилотларининг қоровуллик хизматлари ҳуқуқбузарликлар кузатилса, ИИБ ва Миллий гвардия ходимларига хабар беради. Улар келгунча, ҳодиса излари сақланишини таъминлайди. Улар хабар берган жиноят бартараф этилса, 1 марталик пул мукофоти олиши мумкин.
Тиббиёт йўналиши битирувчиларига тўлиқ ставкада ишлашга рухсат берилди
Ҳукумат қарори билан республикадаги барча тиббиёт олийгоҳлари битирувчиларига тўлиқ ставкагача ишлашга рухсат берилади. ССВ шифокорларга бўлган эҳтиёжни аниқлайди ва 1 октябрдан Сурхондарё вилоятида, 1 ноябрдан эса барча ҳудудларда талабаларни вакант ўринларга ишга жойлаштиради.
Маҳаллалар яшил боғ ташкил этиш учун ҳокимликка ташаббус билан чиқиши мумкин
Ҳукумат қарорига кўра, ️давлат органлари ва ташкилотлари, маҳаллалар ва кўп квартирали уй-жойлар мулкдорлари «Яшил боғлар»ни барпо этиш бўйича ҳокимликларга ташаббус билан чиқиши мумкин. Таклиф босқичма-босқич маъқулланса, «Яшил ҳудуд» давлат унитар корхонаси билан шартнома тузилиб, боғ яратилади.
Давлат қайси ҳолатда алиментни қарздорнинг ўрнига тўлаб беради?
Ҳукумат қарори билан давлат фақат биргина ҳолатда — вояга етмаган фарзандини моддий таъминлашдан бўйин товлаганлик учун жиноий жавобгарликка тортилган шахс ўрнига алиментни тўлаб беради. Маблағни Алимент тўловлари жамғармаси ажратади. Кейинчалик МИБ қарздордан ушбу маблағни ундириб олади.
Экин майдонларида сув тежовчи технологияларни қўллаш учун 100 млн сўмгача субсидия берилади
Ҳукумат қарорига кўра, 10 гектардан кам бўлмаган пахта ва дон экин майдонларида сувни тежовчи технологияларни қўллаш учун 100 млн сўмгача субсидия ажратилади. Ариза туман ҳокимлигида қабул қилинади, субсидиялар Сув хўжалиги ҳамда Қишлоқ хўжалиги вазирликлари томонидан тўлаб берилади.
Қимматли қоғозлар билан шуғулланувчилар аттестациядан ўтказиш тартиби белгиланди
Ҳукумат қарорига кўра, қимматли қоғозлар билан операцияларни амалга ошириш ҳуқуқини берувчи малака сертификати 5 йилга берилади. Сертификат ДХМ ва ЯИДХП орқали тақдим этилади, бунинг учун БҲМнинг 1 баравари миқдорида йиғим ундирилади.
Давлат ижтимоий буюртмасига оид маълумотлар мажбурий тартибда эълон қилинади
Ҳукумат қарори билан 1 декабрга қадар дастурлар ишлаб чиқишда қатнашиш ва уларнинг ижросини мониторинг қилиш мақсадида e-ngo.uz электрон порталига жойлаштирилади. 1 январдан давлат орган ва ташкилотлари ижтимоий ҳамда иқтисодий дастурларнинг лойиҳалари, давлат ижтимоий буюртмаси натижалари, маблағларнинг сарфланиш ҳолати тўғрисидаги маълумотларни мажбурий тартибда порталга киритиб боради.
Ногиронлиги бўлган шахсларни ишга қабул қилганларга субсидия берилади
Ҳукумат қарори билан ногиронлиги бор кишиларни ишга олган шахсларга ҳар бир ходим учун БҲМнинг1,5 баравари (405 минг сўм) миқдорида субсидия берилади. Мазкур тартиб бюджет ташкилотлари, давлат корхоналари, устав капиталида давлат улуши 50 фоиз ва ундан ортиқ бўлган юридик шахсларга нисбатан амал қилмайди.
Уй-жойнинг «снос» га тушганини аниқлаш бўйича давлат хизматлари кўрсатилади
Ҳукумат қарори билан кўчмас мулк бузилишга тушган ёки тушмаганлиги ҳолати тўғрисида маълумотнома 3 иш кунида ДХМ ёки ЯИДХП орқали берилади. Бундан ташқари, бино ва иншоотлар ташқи кўринишини ўзгартириш, лойиҳа-смета ҳужжатларни келишиш, қурилишни бошлаш учун объектни рўйхатдан ўтказиш зарурлиги белгиланмоқда.
Қимматбаҳо металлар мавжуд ер участкалари аукцион орқали сотилади
Ҳукумат қарорига кўра, қимматбаҳо металларни қазиб олиш учун рухсатномалар Давлат геология қўмитаси томонидан фақат Ўзбекистон резидентларига 3 йилга берилади. Бунда 5 гектаргача бўлган ер қаъри участкаси ҳар гектарига бошланғич 9,4 млн сўм нархида аукционга қўйилади. Рухсатнома олганлар иш бошлашдан олдин ҳокимият, Экология, ҳамда Саноат хавфсизлиги қўмиталарини хабардор қилиши лозим.
Лимон етиштирувчиларга субсидиялар берилади
Ҳукумат қарори билан 2021 йилдан лимон етиштирувчи қишлоқ хўжалиги ташкилотларига харид қилган табиий газга нисбатан муқобил энергия қурилмалари қийматининг 30 фоизгача бўлган қисми қоплаб берилади. Қолаверса, янги лимонзорлар барпо этиш ва кўчатлар харид қилишга ҳар бир сотих учун 300 минг сўмгача миқдорда субсидия берилади.
Етим болалар учун «Меҳр дафтари» жорий этилди
Ҳукумат қарорига мувофиқ, етим болалар ва ота-она қарамоғидан маҳрум бўлганларни қўллаб қувватлаш мақсадида «Меҳр дафтари» тизими жорий қилинди. Болалар ушбу дафтарга туман ёки шаҳар ҳокими қарори асосида киритилади ва ундан 25 ёшга тўлганда чиқарилади. Бунда дафтардан чиқарилаётган шахсларнинг бандлиги таъминланган ва уй-жойи мавжуд бўлиши шарт.
Уй-жойга муҳтож хотин-қизларга ипотека кредитининг бошланғич бадали тўлаб берилади
Ҳукумат қарори билан уй-жойга муҳтож хотин-қизларни уй билан таъминлаш тартиби белгиланди. Унга кўра, муҳтож хотин-қизларга ипотека кредитининг 15 фоизи миқдорида бошланғич бадали тўлаб берилади. Шунингдек, улар вақтинча ижтимоий уйларга ижарага қўйилиши ҳам мумкин. Имконияти чекланган шахсларга эса биринчи қаватдаги уйлар ижарага берилади.
Энди якка тартибдаги тадбиркорлар 5 нафаргача ходим ёллаши мумкин
Ҳукумат қарори билан эндиликда ЯТТлар 5 нафаргача ходим ёллаши мумкин, илгари 3 нафаргача рухсат берилганди. Бунда тадбиркор банк ҳисобварағи очганидан сўнг ходим ёллаш ҳуқуқига эга бўлади. Қолаверса, ходим билан меҳнат шартномаси ҳам тузилади.
Тошкентда Пиза университети филиали ташкил этилди
Ҳукумат қарори билан Тошкентда Италиянинг X асрлик тарихга Пиза университетининг филиали ташкил этилди. Филиалда таълим 2022/2023 ўқув йилидан кундузги шаклда контракт асосида амалга оширилади. Битирувчиларга эса университет дипломи берилади.
Оролбўйида кардиология маркази очилади
Ҳукумат қарори билан Оролбўйида кардиология тиббиёт маркази ташкил этилади. Марказ Оролбуйи минтақасидаги ҳамда Бухоро ва Навоий вилоятларида туғма юрак нуқсони билан туғилган болаларга тиббий ёрдам кўрсатади. Марказ касалликларнинг олдини олиш, уларга ташхис қўйиш, даволаш бўйича илмий тадқиқотлар олиб бориш билан шуғулланади.
Энди юридик шахслар ҳам автомобилларни қисқа муддатга ижарага олиши мумкин
Эндиликда нафақат жисмоний шахслар, балки юридик шахслар ҳам автомобилларни қисқа муддатга ижарага олишлари мумкин. Ижарага берилган транспорт томонидан бузилган йўл ҳаракати қоидаларини эса онлайн текшириш имконияти яратилди.
Айрим ҳудудларда пахта терувчиларга қўшимча ҳақ тўланади
Ҳукумат қарори билан пахта-тўқимачилик кластерларига пахтани териб олиш учун 1,6 трлн сўмгача ресурслар ажратилади. Машинада пахта йиғиб олиш хизмати харажатларининг 30 фоизи давлат томонидан қоплаб берилади. Шунингдек, айрим ҳудудларда пахта терувчиларга амалдаги ставкага қўшимча равишда ҳар бир кг пахта учун 230 сўм устама ҳақ тўланади.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг